Николовски за внукот кој работи во М-НАВ: Се работи за највисоко стручен кадар, треба да се бориме таквите да ги задржиме дома

Од:

Треба да се мотивираат младите, Македонците кои се успешни да останат во Македонија, а не да заминат во странство, рече министерот за земјоделство Љупчо Николовски, на прашање како неговиот внук кој не успеал од првпат да го положи тестот, а претходно и неговиот чичко биле вработени во М-НАВ. Тој им се налути на новинарите зошто го прашувале за вработувањата во македонската навигација, наместо да се интересираат за теми од земјоделие, квалификувајќи ги прашањата како „ширење невистини и лаги“.

„Чичко ми работи пред јас да бидам роден. Зарем мислите дека некој што не е роден може да влијае на некој што стручно се усовршувал, работел и се вработил пред 80-тите. Тоа ви е најбитната тема за сето она што граѓаните ги интересира“, рече Николовски.

За неговиот внукот пак, вели дека е стручен кадар кој после 20 години во странство, се вратил во Македонија.

„Станува збор на највисоко стручен кадар, школуван во Јапонија, во Кина и во Словенија кој после 20 години се вратил во земјата и секој од нас треба да се бори да ги задржи младите дома. Како што чичко ми работел пред 40-50 години, во никој случај не сум влијаел“, вели Николовски.

Тој вели дека Антикорупциската комисија имала отворено случај за тоа вработување, која сега е затворена. Ставот на премиерот Димитар Ковачевски дека М-НАВ станала семејна компанија не сакаше да го коментира.

„Воопшто не е моја работа да навлегувам или да коментирам дали некоја фирма е ваква или онаква. Наше е да работиме стручно, чесно, искрено, професионално. Не ме интересира мене било кој став за било која фирма, кој каква квалификација ќе даде“, кажа министерот.

Би можело да ве интересира

(ВИДЕО) Министерот Николовски заедно со земјоделците од Свети Николе денес ги потпишаа првите договори за продолжување на закупот на земјоделско земјиште

Николовски: Земјоделците од Кочанско рекордери во искористувањето на ИПАРД поддршката, утре ќе биде објавен новиот повик за мерката 3

Николовски од Берово: Продолжуваме со поддршката на жените земјоделки

Горан Наумовски

Николовски: Досега 838 млади земјоделци успешно ја реализирале поддршката со мерките на МЗШВ

(ВИДЕО) Николовски: Со реализирани 63,1 милиони евра за над 2.100 реализирани инвестиции успешно ја заокружуваме ИПАРД 2 програмата

Горан Наумовски

(ВИДЕО) Николовски од кавадаречка Марена: Лозарите добиваат гарантирана откупна цена на винското грозје