Николовски: Мојата позиција во Владата не се коси со ДКСК, борбата против корупцијата ќе ја водиме преку многу канали

Од:

Позицијата вицепремиер за борба против корупција, одржлив развој и човечки ресурси воопшто не се коси со Државната комисија за спречување на корупцијата, туку напротив – таа е воведена за да се подобри соработката меѓу извршната власт и Антикорупциската комисија.

Ова во интервју за МИА го посочува вицепремиерот за борба против корупција, одржлив развој и човечки ресурси, Љупчо Николовски, кој е всушниот првиот што ја презема новововедената функција.

Николовски нагласува дека е разбирливо е зошто луѓето би имале дилеми од типот – „зошто позиција на анти-корупционер кога имаме анти-корупциска”, но додава дека двете позиции не се косат една со друга.

-Позицијата воопшто не се коси со ДКСК, туку напротив, воведена е за да ја подобриме соработката меѓу извршната власт и самата комисија. Дури и ГРЕКО, анти-корупциското тело на Советот на Европа напиша во извештајот усвоен март 2019 година дека препорачува определување член на Владата или на ДКСК за токму таа цел. Во таа насока доаѓа и предлогот на премиерот за ангажирање вицепремиер со таа задача, во овој владин состав, вели Николовски во интервјуто за МИА.

За тоа што всушност подразбира оваа позиција и што тој ќе работи, Николовски вели дека борбата ќе се води преку многу канали.

-Широка и обврзувачка транспарентност, заштита на слободата на медиумите, институционална поддршка на силна и независна ДКСК, немање толеранција при откриени злоупотреби, обезбедување подобро и поефикасно услужување на граѓаните, подобрување на внатрешната комуникација меѓу институциите, зголемување на мотивацијата и ефикасноста на човечките ресурси во владините институции итн. Ќе инсистирам на зголемена транспарентност на сите нивоа на власт, на намалување на дискреционите права на функционерите и ќе се обидам да реагирам на сите сомнежи околу злоупотреба на позиција или моќ, појаснува тој.

Николовски во интервјуто за МИА говори и за неговите очекувања за евентуални опструкции од другите институции во борбата што ја најавува, но и за улогата на опозицијата во целиот тој процес.

Интервјуто со вицепремиер за борба против корупција, одржлив развој и човечки ресурси, Љупчо Николовски МИА целосно ќе го објави утре.

Би можело да ве интересира

Николовски најави дека во 2021 година ќе се намалуваат или спојуваат институции

Жарко Настоски

Вицепремиерот Николовски ќе претседава со Антикорупциската деловна коалиција, направена по холандски терк

Жарко Настоски

Николовски на 25. Конгрес: Со измените на Статутот воведуваме мерит систем и ја зголемуваме мобилноста на партијата

Николовски на 25.Конгрес: СДСМ е најнапредната партија која постојано го слуша гласот на граѓаните

Неправилностите од финансиски извештаи на партиите антикорупционерите ќе ги достават до државната ревизија

Ана Ололовска

Николовски: Институциите почнаа со проверки околу случајот со европските пари

Жарко Настоски