55-годишен жител на скопската населба Кисела Вода вчеравечер околу полноќ се појавил во двор од куќа носејќи бомба „кашикара“, но не успеал да ја активира, откако му била одземена од двајца сограѓани кои седеле во дворот, соопшти полицијата.
„На 14.05.2021 околу 01.30 часот, полициски службеници од СВР Скопје го лишиле од слобода С.Т.(55) од Скопје, затоа што околу 00.00 часот влегол во двор од куќа на ул.„Петар Драпшин“, каде што седеле Г.А.(33) и Б.Д.(30), двајцата од Скопје, и извадил бомба кашикара, која успеале да му ја одземат“, се вели во полициското соопштение.
С.Т. бил приведен во Полициска станица Кисела Вода и по целосно документирање на случајот, против него ќе биде поднесена соодветна пријава, додаваат од полицијата.