Не молчи, не дозволувај да бидеш жртва – им порачува на жените Здружението за еманципација, солидарност и еднаквост

Од:

Здружението за еманципација, солидарност и еднаквост на жените – ЕСЕ ги охрабрува жртвите да не молчат и да го пријават семејното насилство. Тие од 2002 година до денес имаат обезбедено бесплатна правна помош и психолошка поддршка на повеќе од 4.000 жени кои се соочиле со насилство во својот дом.

dobivaj vesti na viber

Семејното насилство е реалност за голем број жени кои секојдневно се соочуваат со хорор во сопствените домови, наведуваат во денешното соопштение од Здружението ЕСЕ, потенцирајќи дека зад затворени врати трпат навреди, омаловажувања, вербални и физички напади, неодобрени сексуални односи, забрана за пристап до пари.

– Жртвите на семејно насилство многу често не се свесни дека им е потребна правна помош за да излезат од магичниот круг во кој се заробени. Центарот за правна помош на Здружението ЕСЕ во 2020 година даде правна поддршка во вкупно 242 различни видови случаи поврзани со семејно насилство. Пред сè станува збор за предмети за развод на брак, издршка, старателство, имотни односи, социјална заштита и кривични постапки, изјави Стојан Мишев од Здружението ЕСЕ.

За искуството со Здружението ЕСЕ сведочи млада жена, која била физички нападната од сопругот и неговиот татко, а претходно подолго време трпела вербално и економско насилство во својот дом.

– Првично ме советуваа дека треба да се обратам во Центарот за социјална работа, дека треба да се погрижам за моето и за здравственото осигурување на моите две деца. Беа тука во секое време за мене за да ми дадат правна помош, психолошко советување и што и да е друго потребно. Беа достапни 24/7 за мене. Ми помогнаа во четири правни постапки. Благодарение на оваа поддршка се чувствував посигурна, чувствував дека не сум сама, се чувствувате згрижена, чувствувате дека сè е возможно. И покрај тоа што ви се случило дека има излез и има решение за сè, вели жртвата за своето искуство со помошта од Здружението ЕСЕ.

Би можело да ве интересира

Поп ѕвездите во поддршка на кампањата за ставање крај на насилството врз жени и девојчиња

Ана Ололовска

Фетаи: Актуелниот Кривичен Законик не нуди многу за заштита од насилство врз жените

Ана Ололовска

Владата апелира правосудството брзо и одлучно да реагира на насилството врз жените

Жарко Настоски

Собранието го донесе дополнетиот закон за спречување и заштита од насилство врз жените и семејното насилство

Пратениците расправаа за дополнетиот предлог-закон за спречување насилство врз жените и семејно насилство

Жарко Настоски

Заев: Ние мажите не смееме да бидеме неми сведоци на насилството врз жените

Жарко Настоски