А1он

  • Почетна
  • Македонија
  • Економија
  • Регион
  • Свет
  • Магазин
  • Спорт
  • Култура
  • Видео
  • Скен
FacebookTwitterYoutube
А1он
Од: А1он
Македонија

На Табановце запленети 117 килограми марихуана

by А1он15/06/2013 - 13:42168
Share0

Царинската управа на Република Македонија заплени 117 килограми висококвалитетна дрога марихуана во автобус со албански регистарски таблички.

Добивај вести на вибер

Дрогата била спакувана во 144 пакувања скриени во шуплините над предните и задните тркала преку багажниот простор и во просторот за вентилација над седиштата во автобусот.

Автобусот марка „Неоплан“ со албански таблички, управуван од сопственикот, Е.Б. од Тирана, вчера околу 20 часот и 30 минути се пријавил за излез од Македонија. Во автобусот имало уште едно лице како втор возач К.Б. и околу 20 патници.

Царинските службеници се посомневале и извршиле детален преглед на автобусот затоа што возачите изјавиле дека одат за Белград, а на шофершајбната од автобусот стоела налепница  Тирана – Скопје. Исто така, според исказите на патниците, од моментот на тргнување од Тирана, до граничниот премин Табановце возачите воопшто не го вклучиле системот за вентилација.

Осомничените и дрогата се предадени на инспектори на Одделението за истраги за натамошна постапка. Утврдено е дека Е.Б. и К.Б договориле транспорт на марихуаната преку Косово, Македонија до Белград каде требало да ја предадат на српски државјанин, а тие да го продолжат патувањето преку Унгарија до Фрајбург, Германија.

Дрогата била сместена во автобусот на 11 овој месец во селото Фарк, Албанија, а ја доставил албански државјанин со автомобил марка „опел“. На 14 јуни околу 06:30 часот, К.Б. се договорил со Е.Б. да го довезе автобусот до центарот на Тирана од каде, по качувањето на патниците, во 07:30 часот тргнале за Германија преку Косово. Попладнето околу 17.30 минути преку граничниот премин Блаце, влегле во Македонија, а околу 20.30 часот пристигнале на Табановце – автопат.

Против сторителите поднесена е кривична пријава за „неовластено производство и пуштање во промет на наркотични дроги, психотропни супстанции и прекурсори“. Тие се изведени пред истражен судија.

Од почетокот на годината, на граничните премини на државата откриени се вкупно 13 случаи на пренос на дрога. Вкупната заплена на марихуана до сега е 640 килограми од кои девет случаи се откриени на граничниот премин Табановце каде се запленети 306 кг марихуана.

drogagranica

Би можело да ве интересира

Полициски претреси во Скопје и Куманово, запленета е голема количина на амфетамин, уапсени се неколку лица

Горан Наумовски03/07/2025 - 17:5403/07/2025 - 17:55

Запленети околу 100 килограми марихуана во Струмица, лишени од слобода три лица

Предраг Петровиќ01/07/2025 - 16:45

(ВИДЕО) Запленети над два тона сув цвет од канабис од објект на фирма во Зелениково

Горан Наумовски25/06/2025 - 20:00

На 5 јули стартува системот за заедничка гранична контрола со Србија

Горан Наумовски25/06/2025 - 15:28

„Њујорк тајмс“: Маск се дрогирал многу повеќе отколку што претходно се знаеше

Горан Наумовски31/05/2025 - 07:2731/05/2025 - 07:27

Европол: Запленети 780 килограми кокаин, уапсени 14 лица во три земји

А1он27/05/2025 - 21:2527/05/2025 - 21:10
FacebookLike
TwitterFollow
InstagramFollow
YoutubeSubscribe

НАЈЧИТАНИ.

  • Facebook
  • Twitter
  • Instagram
  • Youtube
  • Импресум
  • Контакт
  • Маркетинг
  • Услови за користење

@2019 - A1on. Сите права задржани.

@2019 - A1on. Сите права се задржани
А1он
FacebookTwitterYoutube
  • Почетна
  • Македонија
  • Економија
  • Регион
  • Свет
  • Магазин
  • Спорт
  • Култура
  • Видео
  • Скен