По два дена интензивна акција во Струмичко, од фирма која има дозвола за одгледување марихуана се запленети околу 20 тони марихуана. Локацијата претставува втор клучен крак во истрагата што ја водат МВР и Обвинителството за гонење организиран криминал и корупција.
Детали за акцијата во Струмичко се уште не се откриваат, а нема ниту официјални информации за сторени кривични дела или за осомничените лица.
Неофицијално се шпекулира дека запленетата марихуана е произведена надвор од дозволените граници за производство, но ова не е потврдено од ниту една институција.
За акцијата беа ангажирани комбиња, камиони и патнички возила, а на терен, покрај полицијата и истражителите на Обвинителството, имаше и екипи на Царинската управа.
