На „Блато“ запленети 370 килограми марихуана наменети за пазарот во земјава

Од:

Албанската полиција доцна вечерва соопшти дека на граничниот премин „Блато“ на албанско-македонската граница кај Дебар се запленети 370 килограми марихуана наменети за македонскиот пазар.

– По целосното мерење на запленетата дрога утврдено е дека во камионот кој беше контролиран на преминот „Блато“ откриена е количина од 370 килограми марихуана. Дрогата беше откриена при излез од албанска територија во камион марка „мерцедес“ со албански сообраќајни ознаки, со лого на производител на мебел, управувано од лицето Флориан Алимани(26) од пограничното село Долно Ѓурица. Крајната дестинација била Северна Македонија, стои во вечерашното соопштение од полицијата.

Оттаму информираат дека истрагата продолжува во соработка со македонската полиција со цел да се идентификуваат сите лица вмешани во трговијата со дрога од двете страни на границата.

Дрогата е откриена при втората контрола, а била скриена во посебен простор поставен над подот на возилото. Била натоварена во Пешкопеја.

Според полицијата, успешната акција е резултат на засилените контролни мерки со цел спречување секаков обид за шверц на дрога и спречување на било какви  меѓугранични криминални дејствија.

Ова е најголема количина на дрога запленета на двете страни од овој граничен премин.

Би можело да ве интересира

Ковид-19 не ги заобиколи ни албанските затвори

Ана Ололовска

Заедничка седница на владите на Албанија и Косово в петок во Скадар

Ана Ололовска

Рама за Дојче веле: Плуралниот систем не е загрозен доколку малцинството не учествува на избори

Ана Ололовска

Мета му порача на владејачкото мнозинство, доколку се обидат да го разрешат, ќе го распушти Парламентот

Ана Ололовска

Разбиена албанска криминална мрежа

Ана Ололовска

Тетовското обвинителство поведе постапка за дилер на дрога, определен притвор

Ана Ололовска