„Министерката ми се закани дека ќе ме избрка“: Советничка во МОН била вознемирувана од Шаќири и Царовска

Од:

Комисијата за спречување и заштита од дискриминација утврдила директна дискриминација и вознемирување врз основа на личен или општествен статус извршена од Министерството за образование и наука.

Подносителката, која е државен советник во МОН, во својата претставка до Комисијата побарала заштита од дискриминација од МОН како институција, од министерот Јетон Шаќири и од поранешната министерка Мила Царовска, а како потенцијален дискриминатор ја навела и државна советничка која до август 2023 година извршувала функција државен секретар во МОН и и била непосредно претпоставена.

„Вознемирувањето/дискриминацијата и понижувањето на работното место започна од денот на вршење на функцијата министер за образование и наука од Мила Царовска и продолжи во континуитет и по преземањето на функцијата од страна на Јетон Шаќири и се уште трае. Јас сум единствена жена – државен советник различно третирана од останатите државни советници, дискриминирана и понижена“, се наведува во претставката.

Советничката, која во тоа време осма година по ред извршувала функција – државен советник за капитални инвестиции, се пожалила дека за време на користење на годишен одмор телефонски добила порака веднаш да се врати на работното место, а откако одбила, министерката Царовска издала наредба со која и го поништила решението за користење на годишен одмор и и наредила да го прекине одморот и да се врати на работа заради итни и неодложни работи во МОН.

„Наредбата ја испочитував и се вратив на работа, но психичкото вознемирување продолжи од сите кабинетски службеници на министерката вклучително и министерката, а се состоеше во навреди, закани на колегиуми, барање за извршување на задачи за кои немам овластување…“ изјавила подносителката приложувајќи докази.

Таа тврди дека на колегиум одржан на 5 октомври 2020 година, министерката во присуство на заменик министер и се заканила дека ќе ја избрка од работа затоа што негативно и одговорила за предмет од 2017 година кога била министерка за труд и социјална политика.

Во ноември 2020 била испратена да работи во канцеларијата на МОН во ГТЦ на работно место државен советник за општи работи каде што немала услови за работа, а министерот Шаќири иако бил запознаен со одлуките на министерката, не ја повикувал како државен советник на состаноци и продолжил да ја третира дискриминарчки, се наведува во одлуката.

КСЗД му препорача на МОН да и обезбеди соодветен работен простор во службените простории на министерството каде се сместени останатите државни советници и да и обезбеди соодветен пристап до работни задачи и услови со цел да се острани продолжената дискриминација кон неа и да престане вознемирувањето кон неа.

Би можело да ве интересира

МОН не го послуша Советот на Општина Велес: Скрати македонска паралелка во гимназијата

Орце Костов

До крај на година ќе се учи секоја сабота: Неработните денови за учениците преку ноќ станаа работни

Орце Костов

МОН: Не укинуваме паралелка на македонски јазик во велешката гимназија

Орце Костов

Нема евиденција дали 140 денари за оброк завршиле кај студентите, МОН исплаќал пари без утврдени легла во домовите, покажа ревизијата

Орце Костов

Шаќири: За простор за ФИНКИ се бара решение, помошта за средношколците и основците ќе се исплати до петок

МОН за протестот на универзитетите: Ако постои волја во Собранието за колективен договор, ние ќе учествуваме во преговорите