Мицкоски не дојде да даде исказ во полициската станица за Дебар маало

Од:

Лидерот на ВМРО-ДПМНЕ, Христијан Мицкоски, не дојде да даде исказ во полициската станица во Центар за случајот кога беше затекнат во затворен дел од кафеана на „Боемска улица“. Според извори на „А1он“, тој поканата уредно ја примил уште во четвртокот, но и покрај тоа, тој не дојде во закажаниот термин. Засега непознато е која причината поради која не се појави во станицата. „А1он“ се обиде да добие став и од партијата, но неуспешно.

Пред полициската станица имаше новинари од повеќе медиумски куќи кои го чекаа Мицкоски, со оглед дека тој бил поканет да даде исказ во 10 часот. Тој во негово име испратил адвокат за да го одложи давањето исказ.

Мицкоски на почетокот од месецов беше затекнат како седи во затворен дел од угостителски објект на улицата Боемска во Дебар Маало, иако тоа беше забрането со уредба на Владата со цел да се спречи ширењето на коронавирусот. Додека Мицкоски со пријатели седеше внатре, инспектори на Пазарниот инспекторат не можеа да влезат и да направат увид со образложение дека просториите се заклучени, а клучот е кај газдата на објектот. На нив им беше дозволен увид откако Мицкоски излегол од внатрешноста на угостителскиот објект.

По ова, интервенираше и Единицата за брзо распоредување при МВР, по дојавата дека се бришат снимки од надзорните камери на кои се гледа дека угостителот ги прекршил мерките за заштита од коронавирусот, а внатре бил токму лидерот на ВМРО-ДПМНЕ. Припадниците на ЕБР го најдоа уредот за снимање скриен во буре, а по насока на јавен обвинител е одземен и даден на вештачење.

Иако целата драма на Боемска се одвиваше од попладнето, Мицкоски призна дека бил во затворениот дел на кафаната и ги прекршил мерките дури неколку минути пред полноќ кога се чекаше јавен обвинител да даде одобрение за одземање на уредот за снимање.

Би можело да ве интересира

Мицкоски со осуда за нападот врз девојката во Охрид: Ќе сториме сè сторителот да одговара пред правдата

Горан Наумовски

За закана кон Мицкоски притвор, за претепувањето на Сара не – Левица обвинува за селективност на институциите

Катерина Ѓуровски

(ВИДЕО) Поповиќ: Мицкоски е во паника за Алта банка – по моделот на Вучиќ сака да ја замолчи опозицијата

(ВИДЕО) Мицкоски: Сите реформи од Реформската агенда ќе бидат завршени до декември

Мицкоски: Растот на индустрискиот промет и извозот се охрабрувачки сигнали

Горан Наумовски

Измените на Кривичниот законик треба да ги надминат последиците од решенијата на СДСМ и ДУИ, нема да важат ретроактивно

Катерина Ѓуровски