Мицкоски го одржа најтажниот протест во историјата на ВМРО-ДПМНЕ, велат од Иницијативниот одбор за промени

Од:

„Се уште актуелниот Претседател на ВМРО-ДПМНЕ го одржа најтажниот протест во историјата на партијата,“ реагира Иницијативниот одбор за вонреден конгрес и за промени, по вечерашниот собир на ВМРО-ДПМНЕ против поскапувањето на струјата.

„Вечерашниот дебакл е најдобар доказ дека Христијан Мицкоски нема никаква поддршка. Неговиот авторитет е неповратно загубен, а натамошното узурпирање на функцијата само ја носи партијата во пропаст.

Само пред неколку дена граѓанската иницијатива „Доста е“ во Тетово собра неколку илјади граѓани на протести против покачената цена на струјата, а Мицкоски со целокупната партиска структура на ВМРО-ДПМНЕ не успеа да мобилизира повеќе од 1500 луѓе.

Секој поминат ден на Мицкоски во претседателскиот кабинет изгор скапо ја чини партијата. Доколку чувствува барем малку почит кон ВМРО-ДПМНЕ, Мицкоски мора да се повлече, да свика вонреден конгрес и да дозволи ново и поспособно раководство да ја придобие поддршката на народот.

Со ударно барање за викенд без ДДВ, партијата нема да стигне далеку. Во минатото само од еден скопски комитет се собирале неколку пати повеќе членови,“ велат од Иницијативниот одбор, составен од членови и поранешни функционери на ВМРО-ДПМНЕ кои бараат одржување на вонреден конгрес и смена на актуелното раководство на партијата.

Би можело да ве интересира

ВМРО-ДПМНЕ: Филипче се жали не го слушале советниците, или стигна потврда дека не е претседател ниту на советниците на Заев

Да си се среќава со Ахмети, Таравари и Апасиев му порача ВМРО-ДПМНЕ на Филипче кој инсистира на лидерска

Седми „Марш за ангелите“ во Кочани: Нашиот молк зборува повеќе од илјада зборови, но нема да трае вечно како вашето судење

Не гледам причина за каква било промена на цената на струјата, вели Бислимовски

Манасиевски: Дали Филипче е изземен од случајот Онкологија, каде што се остварила добивка преку измама во висина од 2,2 милијарди денари

Мансиевски: Филипче да излезе од дупката во која се крие и да одговори на јавноста за акциите во индиската авиокомпанија, за златната виза и за пресудата за Модуларна болница

Катерина Ѓуровски