Меџити, Касами и Гаши на средба за да ги дружат силите

Од:

Лидерите на Алтернатива и Беса, Африм Гаши и Биљал Касами денеска ќе се сретнат со Изет Меџити, кој неодамна најави дека ќе формира ново политичко движење во кое веќе се вклучени тројца пратеници од редовите на ДУИ, потврди Меџити.

На заедничка маса, Меџити, Касами и Гаши се очекува да ги стават заедничките цели и ќе ги разгледуваат можностите за соработка.

Веќе неколку месеци на маса е ставена точката за окрупнување на албанскиот опозициски блок. Целта е обединување против ДУИ оти сметаат дека тамошните функционери се грижат само за нив, но не и за граѓаните.

Како што нагласуваат од Алтернатива за МИА, по завршување на средбата медиумите ќе бидат информирани преку соопштение.

Претседателот на Движењето „Беса“, Биљал Касами минатата недела најави дека ќе соработува во поширок опозициски блок и со Изет Меџити, кого го чека да формира партија. Според Касами, можно е опозиционерите да имаат заедничка листа.

Би можело да ве интересира

Меџити: Балансерот не се укинува, туку се унапредува во закон за правична застапеност

Меџити: Двете делегации предводени од Гаши и Мицкоски имаат свои агенди на Самитот на НАТО во Вашингтон

Алтернатива: ДУИ креира лажни вести, Гаши ќе присуствува на Самитот на НАТО

Катерина Ѓуровски

Првиот вицепремиер Меџити ќе држи координации со министрите од ВРЕДИ

Според закон функцијата не постои, но со џентламенски договор во коалицијата Изет Меџити ќе биде прв вицепремиер

Катерина Ѓуровски

Алтернатива: Орхан Муртезани е кандидат за министер за европски прашања