М-НАВ: Отворена е истрага за безбедносниот настан на небото над Скопје на 7 септември

Од:

Во пропишаниот рок, поднесена е пријава за безбедносниот настан на небото на Скопје што се случи на седми овој месец и отворена е истрага за утврдување на фактичката состојба и причините, информира денеска Давателот на навигациски услуги М-НАВ, по објавите за избегнат инцидент со судир на два авиона.

Од М-НАВ потенцираат дека таквите настани како и секаде во Европа, секогаш се навремено пријавени и процесирани од сите релевантни одделенија.

– На 7 септември во 18.30 часот поднесена е пријава за безбедносен настан во пропишаниот рок од извршителите кои работеле на засегнатиот сектор. Согласно правилата и пропишаните процедури, пријавата е регистрирана од страна на одделението ИМС (Integrated Management Systems) и доставена до Агенцијата за Цивилно Воздухопловство. Исто така, согласно важечките процедури, од страна на одделението ИМС (Integrated Management Systems) отворена е истрага за утврдување на фактичката состојба и причините за настанот. Би сакале да укажеме дека ваквите настани како и секаде во Европа, секогаш се навремено пријавени и процесирани од сите релевантни одделенија, служби и институции, согласно постоечките правни процедури, наведе М-НАВ во соопштение.

Претходно од АЦВ потврдија постапуваат по настан пријавен од Давателот на навигациски услуги М-НАВ.

-Давателот на навигациски услуги М-НВ уредно го пријави настанот и АЦВ ќе постапи по истиот, изјавија од АЦВ.

Би можело да ве интересира

Авион падна во фабрички комплекс, има загинати

Поради пожар, авион на Јунајтед ерлајнс беше принуден принудно да слета

Авион од САД за Кина морал да се врати на половина пат бидејќи пилотот не го носел пасошот

Се урна руски воен авион Су-25

Се урна авион во близина на Белград, пилотот е извлечен од вода

Авион се урна во близина на американски аеродром, нема преживеани

Горан Наумовски