Љупчо Георгиевски обвинет за ширење омраза: Претседателот на клубот во Битола ги навредил чувствата на Македонците

Од:

Основното јавно обвинителство Битола поднесе Обвинителен предлог против претседателот на бугарскиот културен центар од Битола, Љупчо Георгиевски за предизвикување омраза, раздор и нетрпеливост врз национална, верска и расна основа.

„ОЈО поднесе обвинителен предлог против едно лице кое се товари за продолжено кривично дело – Предизвикување омраза, раздор или нетрпеливост врз национална, расна, верска и друга дискриминаторна основа од член 319 став 1 во врска со член 45, како и за продолжено кривично дело – Ширење на расистички и ксенофобичен материјал по пат на компјутерски систем од член 394-г во врска со член 45 од Кривичниот законик“, соопшти ОЈО.

Обвинетиот како овластено лице на Здружението „Културен центар Иван Михајлов“, со намера да ги повреди чувствата на припадниците на еврејската заедница, го сместил просторот кој го користело здружението токму во т.н. Еврејско Маало во Битола, односно на истата улица во која се наоѓа и објектот познат како „Пионерски дом“, во кој пред Втората светска војна било сместено Здружението на Млади Евреи „Хашомер Хацеир“. Овој простор бил свечено отворен за користење за членовите на Здружението „Културен центар Иван Михајлов“ на 16.04.2022 година – ден Шабат и прв ден Песах – еден од најголемите еврејски празници.

Со цел промоција на животот, идеологијата, рехабилитирање и осветлување на ликот и делото на Иван Михајлов, што е декларирана цел во Статутот на Здружението, обвинетиот дозволил на влезот во просториите да биде поставена табла со цитат од Иван Ванчо Михајлов со кој се негира посебноста на македонската нација.

Како администратор на Фејсбук страницата на Здружението, обвинетиот континуирано објавувал постови со кои се негира посебноста на македонскиот народ и јазик и историската улога на борците од народно-ослободителната антифашистичка војна 1941-1945 во создавањето на независната македонска држава. Со објавите се промовирале контроверзни ставови на Иван Михајлов и се поттикнувала омраза и дискриминација спрема наследниците, почитувачите и продолжувачите на делата на Сојузот на борците, како и спрема македонскиот народ и македонскиот јазик.

Обвинетиот 45-годишен битолчанец ги сторил кривичните дела во периодот од 16.04.2022 година до 22.03.2023 година, свесен декa на дискриминаторен начин ќе разгори омраза и нетрпеливост врз основа на етничка припадност, јазик, религија и општествен статус спрема македонскиот народ и спрема припадниците на еврејската заедница во земјава.

Би можело да ве интересира

Рочиштето за тепањето на Пендиков одложено поради штрајкот на судската администрација

А1он

ВИДЕО: Млад битолчанец се повреди при обид да симне бугарско знаме

Орце Костов

Обвинение за „шефот“ на Здружението „Културен центар Иван Михајлов“, ја навредил еврејската заедница во Македонија

Горан Наумовски

МВР го расчисти случајот со претепувањето на копретседателот на бугарскиот клуб во Струга

Централен регистар го избриша „Иван Михајлов“ од Битола, а Уставен суд денеска ќе расправа за неговиот статус

Орце Костов

Претседателите на бугарските клубови во Македонија ќе добијат бугарски пасоши, ќе им ги врачи Радев

Орце Костов