МВР го расчисти случајот со претепувањето на копретседателот на бугарскиот клуб во Струга

Од:

Министерот за внатрешни работи Оливер Спасовски информира дека МВР го расчистило случајот со нападот на копретседателот на бугарскиот клуб „Шемето“, Бекир Кадриески. Како што рече, полицијата реагирала брзо и ефикасно.

„Во однос на овој настан, важно е тоа што брзо и ефикасно се делуваше. Приведен е напаѓачот на лицето.Земени се изјави од страна на очевидците. Пријавата и изјавата од оштетениот се одвиваше во медицинскиот центар. известен е Јавниот обвинител и по прибирањето на сите докази, ќе бидат поднесени пријавите. Од МВР овој случај е расчистен“, изјави Спасовски.

Од МВР информираа дека целосно го документирале случајот и известени се сите релевантни институции

„На 13.06.2023 во 21.00 часот во Полициската станица Струга бил извршен службен разговор со А.Н.(50) од с.Велешта, струшко, затоа што, како што е пријавено, околу 12.15 часот во близина на спортска сала на улица „Боро Хаџиески“ во Струга го нарушил јавниот ред и мир со физички напад врз Б.К.(45) од с.Лабуништа, струшко. Известен е јавен обвинител и по документирање на случајот ОВР Струга ќе поднесе соодветен поднесок.“

Бугарското Министерство за надворешни работи вчера објави дека вработен во Генералниот конзулат во Битола е испратен во Струга со цел „да се расчистат фактите околу случајот и да се утврди дали нападот е резултат на кривично дело од омраза“.

Кадриески, за бугарските медиуми дал изјава дека го нападнало непознато лице и тврди дека добил навреди дека е „валкан Бугарин“.

На почетокот на годинава во Охрид, откако три лица го нападнаа Христијан Пендиков Бугарија со владин авион го однесе на лекување во Софија, а по овој инцидент се заостри реториката меѓу двете земји. Бугарија овој случај го карактеризираше како напад со национална позадина, односно тврдеа дека Пендиков бил претепан само бидејќи се чуствувал како бугарин. Пендиков останува во Бугарија, најави дека таму ќе живее а доби и низа поволности од бугарската влада.

Би можело да ве интересира

Левица: Властите – слепи и неми пред екокриминалот на струшкиот брег

Шаќири: Не сум основал медицински факултет во Струга, туку тригодишни студиски програми за медицински сестри

A1on

Поднесено обвинение за Мерко: Назначил в.д директор на училиште кое не ги исполнувал условите

Орце Костов

Мијалков излегува порано од затвор, Апелација го врати предметот „Империја“ на повторно судење

Орце Костов

Опожарена трска на струшкото крајбрежје

Мерко молчи по двете поднесени обвиненија, во обвинителствата против него има уште 14 активни предмети

Александар Тодески