Вечерва, со почеток од 19:30 часот во Паркот на поезија во Струга започнува десеттото јубилејно издание на фестивалот на краток филм „Дрим Шорт“.
Во текот на пет фестивалски денови публиката ќе гледа филмови од пет натпреварувачки програми: Меѓународна, Регионална, Национална, Студентска и Специјалната програма „Соочување со минатото“ во соработка со „Про Пис Северна Македонија“.
Жирито кое ќе одлучува за наградите во секоја категорија е во состав: Масимилијано Нардули, сценарист, Верица Недеска, актерка, Цанко Василев, продуцент, и Гледис Бица, режисер.