Во пожар целосно изгоре куќа во битолската населбата Баир. Повредени лица нема.
Како што е наведено во полицискиот билтен, ноќеска во 03:30 часот телефонски во Секторот за внатрешни работи Битола било пријавено дека во населбата Баир, лоцирана над магистралниот пат Прилеп-Ресен (обиколница Битола), избувнал пожар во куќата сопственост на С.Р.
Пожарот бил локализиран во 04:15 часот од екипа на Територијалната противпожарна единица-Битола.
Од пожарот куќата целосно изгорела, а повредени лица нема. Увидот ќе се врши во текот на денешниот ден.
