Утрово Државниот студентски центар организираше акција за чистење, во чии рамки беше исчистен отпадот од кровот на студентскиот дом „Кузман Јосифовски-Питу“, соопштија од Државниот студентски дом.
„Се повикуваат студентите да не фрлаат отпад низ прозорците и да не ја загадуваат околината. Јавната хигиена во студентските дворови е резултат на заедничка грижа за животната средина“, велат во нивното соопштение.
Исто така, од Државниот студентски центар, потсетува дека во иднина ваквото однесување ќе биде санкционирано бидејќи го загрозува секојдневието на сите студенти. Во интерес на безбедноста на студентите во завршна фаза е поставувањето на камери во студентските домови. Овие уреди ќе придонесат за повисоко ниво на безбедност и хигиена во студентските домови, се вели во соопштението на Државниот студентски дом.