Хелсиншкиот комитет бара санкции за говорот на омраза во емисијата на Миленко Неделковски

Од:

Од Хелсиншкиот комитет за човекови права на Република Македонија денеска преку соопштение реагираат во врска со регистриран случај на говор на омраза и повикувања на насилство во емисијата „Лејт најт шоу“ на Миленко Неделковски од 27 јануари годинава за што, како што велат, ќе поднесат и соодветни кривични пријави.

Општествено-политичките случувања во последниот период, како што се потпишувањето и ратификацијата на договорот за добрососедство со Република Бугарија, донесувањето на законот за јазиците, интензивираниот процес на преговори за името, предизвикаа или станаа повод за спирала на националистички, ксенофобични, иредентистички и етноцентристички реакции од дел од експертската јавност, но и од дел на граѓаните, велат од Хелсиншкиот комитет. Оттаму најостро го осудуваат говорот на омраза и повикувањата на насилство независно од кого потекнуваат.

Според Хелсиншкиот комитет, иако говорот на омраза и повикувањето на насилство и нетолеранција, кои потекнуваат од обичниот граѓанин, се опасни, далеку поопасни се оние што доаѓаат од јавните личности во земјата – политичари, новинари, аналитичари, членови на академската заедница, како и коментатори што имаат значителен број следбеници на социјалните мрежи.

„Последен ваков регистриран случај се искажаните ставови и пораки на новинарката Мирка Велиновска во гостувањето во емисијата ‘Лејт најт шоу’ од 27 јануари годинава, чиј автор и домаќин е новинарот Миленко Неделковски. Видеото од емисијата е моментно прво на трендинг-листата на „Јутјуб“ во Македонија и досега има речиси 50.000 прегледи. Во емисијата Велиновска употребува погрдни и навредливи зборови за албанската етничка заедница во земјата и пошироко претставувајќи ја како непријател на македонската етничка заедница. Велиновска понатаму изнесува тврдење дека ќе има терор на улиците во Македонија како одговор на гореспоменатите општествено-политички процеси, со тоа поттикнувајќи меѓуетнички тензии и нетрпеливост“, стои во реакцијата на Хелсиншкиот комитет.

Оттаму додаваат дека за говорот на омраза и повикувањата на насилство Хелсиншкиот комитет ќе поднесе соодветни кривични пријави до Јавното обвинителство.

Би можело да ве интересира

Радовишанец и прилепчанец на Фејсбук ширеле говор на омраза

Хелсиншки комитет: Институциите мора да ги заштитат осудениците во висок ризик

Ана Ололовска

„На образованието му треба сериозно проветрување од насилници“

Ана Ололовска

ВИДЕО: Османи и МНР се уште молчат за коментарите дека Гоце Делчев и Ѓорче Петров се бугарски херои

Орце Костов

Османи: Не се бира кој колку ќе го навреди другиот, влеговме во токсичен круг со Бугарија

Орце Костов

МНР бара официјална Софија да го осуди експлицитниот говор на омрза и територијалните претензии искажани во бугарското собрание