Еврокомесарот за соседска политика и проширување, Јоханес Хан, ја поздрави средбата на премиерите на Македонија и на Грција, Зоран Заев и Алексис Ципрас во Давос.
На својот профил на „Твитер“, Хан ја оцени средбата како многу добра вест и напиша дека истата покажува храброст, визија и државништво.
This meeting of @tsipras_eu and @Zoran_Zaev is very good news. Shows courage, vision and statesmanship. Solving this long-standing issue will be good for the countries, the region and #Europe. https://t.co/fandj9nkZ5
— Johannes Hahn (@JHahnEU) January 24, 2018
„Решавањето на ова прашање кое трае премногу долго ќе биде добро за двете земји, за регионот и за Европа“, напиша Хан на Твитер.
Во рамки на Светскиот економски форум, предвидено е Хан да оствари средба со Заев.