Груевски и Мијалков на црната листа на САД

Од:

Поранешниот премиер Никола Груевски и Сашо Мијалков се меѓу тројцата државјани на Македонија кои се допишани на црната листа на САД.

Стејт департментот денеска објави дополнување на црната листа со лица кои доаѓаат од Балканот, меѓу кои има тројца македонски државјани.

„Во неговото службено својство на премиер, Груевски беше вмешан во коруптивни дела кои вклучуваа користење на неговото политичко влијание и официјална моќ за лична корист. Поточно, има веродостојни информации дека Груевски ја злоупотребил моќта на својата функција за да бара и прима мито во замена за владини договори, присвоил јавни средства и се мешал во изборните процеси за да има политичка корист за себе и за неговата партија.

Во своето службено својство на директор на УБК, Мијалков бил вмешан во коруптивни дејствија кои вклучуваат користење на неговото политичко влијание и службена моќ за лична корист. Поточно, има веродостојни информации дека Мијалков ја злоупотребил моќта на својата функција за да бара мито во замена за владини договори и се мешал во изборните процеси за да има политичка корист за себе и за неговата партија“, се наведува во соопштението на Стејт департментот.

Покрај Груевски и Мијалков, на листата е и Џемаљ Хисени, за кој пишува само дека е роден во селото Лојане.

За Груевски е наведено дека престојува во Унгарија, а е роден во Македонија, додека за Мијалков дека е познат и под псевдонимите Алекс и Александар.

Би можело да ве интересира

ОН: Ограничувањето на абортусот само го прави посмртоносен

А1он

Бајден: Одлуката на Врховниот суд за абортусот ја врати Америка 150 години наназад

А1он

САД ослободија затвореник од Гвантанамо по преговори со талибанците

А1он

Тедрос: Многу сум разочаран од одлуката на САД за абортусот

А1он

Врховниот суд на САД ја поништи пресудата со која се легализираше абортусот

А1он

Демократи од Сенатот бараат учество на САД во истрагата за убиството на новинарката на Ал Џазира

Ана Ололовска