Ѓорѓе Давид ја нема напуштено Македонија и утрово се јавил во Судот како мерка која му е определена од кумановското обвинителство, велат од таму.
„Основното јавно обвинителство Куманово ја известува јавноста дека мерките на претпазливост определени спрема странскиот државјанин кој учествуваше во тешката сообраќајна несреќа кај Табановце се уште се на сила. Согласно информациите кои ги има обвинителството до овој момент, тој не ја напуштил државата и утрово се јавил во Судот како што му е определено“, велат од обвинителството.
Од таму посочуваат дека резултатите од наредените вештачења неопходни за да се расчистат причините за сообраќајната несреќа се уште не се пристигнати до обвинителството.