Пожарот е локализиран и не постои опасност по другите објекти, вели градоначалникот на Општина Центар, Горан Герасимовски.
„Пожар избувна во Универзална Сала при што веднаш се упатив на терен. Во моментов екипите на противпожарната бригада го гаснат и пожарот е локализиран. Не постои опасност по другите објекти во близината. Според првичните информации немало никој во зградата. Апелирам граѓаните да го избегнуваат овој дел од градот додека трае интервенцијата. Исто така апелирам да не се шират шпекулации додека да се добијат официјални информации што е причината за пожарот“, пишува Герасимовски на Фејсбук.
Пожарот опфати поголем дел од Универзалната сала, а сѐ уште нема информации што е причината за пожарот.