ГДУ: Дали Заев навистина им објавува војна на лажните вести или сака да ги поткупи и дисциплинира медиумите?

Од:

Дали премиерот Зоран Заев навистина им објавува војна на лажните вести и дезинформациите или, пак, сака да ги поткупи и дисциплинира медиумите, прашува Граѓанско-демократската унија (ГДУ), преку соопштение.

„По неговата денешна прес-конференција, на која го претстави акцискиот план, ГДУ изразува сомнеж за вистинската намера на власта, односно дали таа индиректно најавува цензура? Прво, се отвора сомнеж дали Владата преку ваквиот план се обидува да купува медиуми? Второ, нејасно е на кој начин Владата ќе спроведува програми и тренинзи за медиумска писменост и не се знае колку пари ќе се потрошат. Трето, дали Владата со тоа што ќе воведува јасни критериуми за акредитирање на новинарите што ги следат владините настани сака да се заштити од незгодни новинарски прашања? Дали за аферите и скандалите што се објавуваат, од Владата ќе се покриваат дека се лажни вести? Четврто, дали власта со акцискиот план, всушност, најави и дека ќе брише објави и профили на социјалните медиуми? И, петто, кој ќе утврдува што е лажна вест и дезинформација, а што вистина“, прашуваат од партијата.

Оттаму потенцираат дека вината не треба да ја бараат само во медиумите и социјалните мрежи.

„Лажни вести шират и политичарите. Истиот проблем го има и Европа, па затоа ќе го цитираме Доналд Туск, кој во една пригода, говорејќи на темата лажни вести, истакна: „Во Европскиот совет многу јасно ставив до знаење дека некои од премиерите што таму седат и самите се извори на лажни вести“. Предупредуваме внимателно со плановите. Да не се обидува власта да ги замолчи медиумите ниту, пак, да се осмели да ги поткупува преку некакви си кампањи. Мора да се почитува правото на слобода на говор и критика, во спротивно бадијала зборувате за европски препораки“, велат од ГДУ.

Би можело да ве интересира

Државата е еден од најголемите загадувачи: Над 700 институции користат греење со кое го трујат воздухот, најголем дел се во училишта и градинки

Орце Костов

ГДУ се откажува од пратеничките бенефиции

Ана Ололовска

ГДУ: Владата молчи за помошта која стигна до коцкарници, казина и фирми поврзани со власта

Ландов

ГДУ: Вонредната состојба се користи во полза на партијата на власт, а не на граѓаните

А1он

Секретарот на ГДУ, Димo Петкоски избран за шеф на Изборниот Штаб на партијата

Ана Ололовска

Колев: Падна од власт „фамилијата“ за да дојдат „рекетарите“