(ВИДЕО) Џолев: Барам од судиите да ги убрзаат постапките за предметите што ја интересираат јавноста

Од:

Предметите на СЈО не се одлагаа поради вина на судот, туку поради странките во постапката и периодот за овластувања на специјалните јавни обвинители. Ова го изјави претседателот на кривичниот суд, Иван Џолев пред новинарите, и рече дека судот ги прави сите напори со постојната бројка на судии и поротници правдата да биде брза.

Џолев рече дека во судот има 24 високопрофилни случаи, од кои, 22 се на СЈО. “Судиите имаа насорчено рочишта. Тоа не е по вина на судот. Обвинителите во тоа време специјални, тие предмети бараа да се одложат поради овластувањата”, рече Џолев.

“Секој судија е независен. Ние разговараме постојано. Јас барам од судиите да ги убрзаат постапките што се од интерес на јавноста. Тоа секако не по секоја цена”

Џолев рече и дека проблем е тоа што на помошниците судии, Судскиот совет им дава негативни оценки зашто наместо да ги судат нивните предмети, се помошници во други постапки. Претседателот на судот го спомна и проблемот со поротниците. Рече дека онаму каде што има поголеми предмети се трудат и поставуваат дополнителни поротници за секој случај. Истекот на 90 дена, како што кажа Џолев, значи дека судењето формално почнува од почеток со читање на записниците од претходните одржани рочишта. Предметот “Тортура” е еден од предметите, каде што поради смена на поротничката, сите сведоци ќе мора одново да сведочат.

А1он објави дека поради различни околности, половина од предметите на СЈО почнале од почеток.

Би можело да ве интересира

Кривичен го одобри обвинението за директорите на Онкологија – Васев и Нухи, го оштетија државниот буџет за 36 милиони евра

А1он

Кривичниот суд ја осуди Де Јесус Невес Марлиене, државјанка на Бразил на казна затвор од 5,6 години за посредување во проституција

По заканите Петровска побарала обезбедување, пред неа истиот се заканувал и на судијка

Предраг Петровиќ

Во Кривичен пристигна целиот предмет за трагедијата во Кочани

Горан Наумовски

(ВИДЕО) Случајот со Невена Спасеска повторно од Собранието: Обвинувања за корупција во Центарот за социјална работа

Предраг Петровиќ

Кривичен одлучи: Се одобрува обвинението за аферата „Онкологија“

Горан Наумовски