Министерот за животна средина и просторно планирање Садула Дураки, денеска се сретна со амбасадорот на ЕУ во Македонија, Самуел Жбогар.
Како што соопшти Министерството за животна средина и просторно планирање, двајцата разговарале за досегашната добра соработка на Република Македонија и државите од ЕУ во областа животна средина и изразиле подготвеност таа уште повеќе да се интензивира во наредниот период.
Во тој контекст се разговараше и за зголемување на степенот на искористување на ИПА фондовите кои и стојат на располагање на Република Македонија за подобрување на состојбите во сите области на животната средина, стои во соопштението.