Државата ќе им исплаќа оштета и на газдите што имаат дивоградби: 300 милиони евра ќе чини експропријацијата за „Бехтел и Енка“

Од:

Предлозите за измени на деветте закони поврзани со коридорите 8 и 10 со кои ќе му се олесни процесот на изградба автопатите на изведувачот „Бехтел и Енка“ поминаа на дневниот ред во Собранието и собраниските комисии ќе расправаат за амандманите поврзани со нив.

Спорните измени на девет закони кои ги предложија пратеници на СДСМ, ДУИ и Алијанса за Албанците, предизвикаа револт кај граѓаните и организациите за заштита на правата, како и кај археолошките здруженија кои утрово излегоа на мирен протест поради измените во законот за заштита на културното наследство.

Со измената на тој закон и на законите за за земјоделско земјиште, за експропријација, за урбанистичко планирање, за минерални суровини, за работни односи, за шумите, за градење како и за утврдување јавен интерес и номинирање на стратешки партнер за имплементација на проектот за изградба на инфраструктурниот Коридор 8 и Коридорот 10 се иззема надлежноста на релевантните институции и изведувачот на автопатските делници, американско-турскиот конзорциум „Бехтел и Енка“ добие огромни привилегии.

– Ги фативте пратениците од опозицијата на препад, а за што. За еден конзорциум кој во Косово, Албанија, Хрватска и Романија исто така гради сомнително. Со овие девет закони го земаме цел правен систем и го свртуваме на глава. За „Бехтел и Енка“ не важат никакви закони. Значи они ќе газат преку шуми, преку земјоделски земјишта, треба да газат преку археолошки наоѓалишта, ќе кршат работнички права, што сакаат ќе прават за наши 1,7 милијарди евра – реагираше пратеникот на Левица, Борислав Крмов.

Со измените на законот за експропријација, државата ќе им плаќа оштета на сопствениците на земјиште по пазарни цени дури и да имаат бесправно изградени објекти. Потребен ќе биде само имотен лист кој докажува дека земјиштето е во сопственост на лицето на кое му се експропира имотот, како и доказ за поднесено барање за легализација на дивоградбата.

За експропријација државата процени дека ќе бидат потребни 300 милиони евра од Буџетот. Новина ќе биде тоа што „на стратешкиот партнер ќе му се даде во владение експроприраниот имот веднаш штом одлуката за експропријација стане конечна, без потреба таа да стане правосилна“.

Во скратена постапка ќе се смени и законот за урбанистико планирање со кои се скратуваат роковите за одговор и прибавување на потребната документација.

Ќе се менува и Законот за земјоделско земјиште и ќе се додаде член 49-г, според кој пренамената на земјоделско во градежно земјиште ќе се смета дека е завршена врз основа на овој член и погодна за запис во Катастарот на недвижности, без потреба инвеститорот на објектите од стратешки интерес да спроведе дополнителни постапки или да добие согласност од други органи.

Шумите, кои ќе се најдат на патот на Коридорот, ќе се сечат на трошок на инвеститорот, но како „компензација“ на тој трошок ќе може да си ја земе шумата која ја исекол.

Измените на Законот за минерални суровини се за периодот на концесија на инвеститорот „Бехтел и Енка“ што ќе ги гради автопатиштата да му се продолжи од три, на 6 месеци, со можност за дополнително продолжување на рокот. Концесијата за детални геолошки истражувања може да се издаде директно на инвеститорот, во рок од само 14 дена.

Опозицијата немаше никакви забелешки за предложените измени на групата закони освен за Законот за заштита на културното наследство и затоа предлагачот ги повлече предложените измени.

Би можело да ве интересира

Жителите на прилепски Оревоец со иницијативи и претставки до судовите за ископот на „Бехтел и Енка“

Европски фронт: Дали „Вреди“ се согласиле со ВМРО за ревизија на Коридорот 8

Новата влада ќе го репреговара договорот со „Бехтел и Енка“, а во првите сто дена ќе објави и инвестиција во енергетиката, најави Мицкоски

Предраг Петровиќ

„Бехтел и Енка“ бара од Стопанска Комора да им обезбеди 4.000 работници за работа на автопатите

Орце Костов

Грузија: Комитетот го усвои законот за „странски агенти“, 20 приведени на протести

Горан Наумовски

Објавена меѓународната рамка за регулирање на вештачката интелигенција