Договорена е доградба на минарето во Охрид, Заев негира

Од:

Минарето на џамијата во охридската чаршија ќе се гради, а институциите ќе ги издадат потребните дозволи што недостигаат, дознава „А1 он“ од извори во локалното муфтивство. Неофицијално, ИВЗ ќе направи отстапки само во висината на минарето, кое, наместо 32, ќе биде 25 метри. Со ова решение Владата и ИВЗ планираат да ги затворат спорните прашања поврзани со Алипашината џамија.

Директорот на имотот или вакуфите на ИВЗ, Дритон Дикена, вели дека нема конкретни информации за случајот, но доколку оваа информација ја кажале од охридското муфтивство, тогаш нема сомнеж дека таа е точна. За евентуалната спогодба меѓу Владата и ИВЗ, информации не даде ниту Агрон Војника, кој е портпарол во ИВЗ.

Премиерот Зоран Заев за „А1 он“ вели дека нема ваков договор. Тој вели дека доколку се гради минарето без договор, тогаш институциите ќе постапат.

„Секако, нема таков договор. Рековме дека по изборите, ќе продолжиме со разговорите за да најдеме решение. Ако се гради без договор, тогаш ќе постапат институциите“, вели Заев за „А1 он“.

Во Охрид продолжи изградба на минарето на Алипашината џамија, но инспекција досега не е излезена. Работниците денес се вратија на градилиштето по неколкудневна пауза за време на изборите. Од здружението „Совест“ велат дека се гради нов кат на минарето. Обвинуваат дека повторно се изигруваат институциите и најавуваат црвен картон за дивоградителите.

Би можело да ве интересира

Меѓувладина конференција до крајот на годинава – очекуваат Заев и Мишел

Ана Ололовска

Заев, Димитров и Османи на онлајн средба со Борел: Стартот на преговорите ќе биде позитивен сигнал и до регионот

Ана Ололовска

Владата со апел до опозицијата поскоро да се донесат измените на Законот за заштита од заразни болести

Ана Ололовска

Владата ја оцени како недостојна изјавата на Каракачанов дека ќе прати војници да ги отстранат спомениците

А1он

Арсовски од Влада: Отворени сме да разговараме за декриминализација на канабисот

Искра Манојлоска

Владата препорача исплата на октовриските пензии од 27 октомври

Жарко Настоски