Дирекцијата за заштита и спасување на Република Северна Македонија, во име на РескЕУ – заедничка европска резерва на медицинска опрема доби донација од 10 илјади заштитни маски од типот ФФП2.
Логистиката и транспортот ги обезбеди Романскиот генерален инспекторат за итни ситуации.
„Романија и Германија се домаќини на резервата РескЕУ и според тоа се одговорни за набавка на опрема, додека Комисијата финансира 100 проценти од набавката на маски и друга опрема. Ќе следат повеќе испораки“, пишува во соопштението од Амбасадата на Романија во Скопје.
Сите земји членки на ЕУ, Велика Британија за време на транзицискиот период и шест држави учеснички, вклучително и Северна Македонија и Црна Гора учествуваат во Механизмот за цивилна заштита на ЕУ.
