Дарио Николовски во обиколка на домовите „Стив Наумов“ и „Кузман Јосифовски Питу“: Условите за работа и престој се под секое човечко достоинство

Од:

Во текот на вчерашниот ден, директорот на студентските домови во Скопје, Дарио Николовски, ги посети вработените и студентите во домовите Кузман Јосифовски Питу и Стив Наумов. Посетата беше со цел да се запознае одблиску со проблемите со кои тие се соочуваат, како би се дефинирале приоритетните активности и реконструкции за оваа година.

Во Стив Наумов често нема топла вода, голем дел од радијаторите не функционираат, а кровот прокиснува на повеќе места. Хигиената во дворот е на катастрофално ниво, опремата со која работат вработените е стара и нефункционална и има сериозен недостаток од кадар. Студентите особено се жалат на зимскиот период кога е условите за престој се под секое човечко достоинство.

Во домот Кузман Јосифовски Питу приоритетна е реконструкцијата на кујната и набавки на нови апарати. Кујната е во лоша состојба, рерните не работат, прокиснува плафонот и има стари апарати кои со години не функционираат, но зафаќаат место. Има недостаток на вработени а условите во соблекувалните и во работниот простор се многу лоши. Од разговорот со студентите може да се заклучи дека најмногу се незадоволни од квалитетот на храната, кое исто беше посочено и од студентите во Стив Наумов.

„ВМРО-ДПМНЕ целосно ги запоставило овие студентски домови, но работите итно ќе ги менуваме на подобро. Многу брзо ќе излеземе со план и рокови за решавање на најгорливите проблеми. Најпрво е потребно обезбедување на основни услови за пристоен престој и работа, а потоа и сериозни реконструкции и потфати за модерно студентско домување. Оваа недела ќе ги посетам сите домови со цел подобро да се запознаам со проблемите како би започнале со нивно итно решавање.“ – истакна по посетата Николовски.

Николовски најави реализација на истражување со студентите кои претстојуваат во домовите, а ги има повеќе 2200.

Целта на новото раководство, како што рече тој, е да го слушне мислењето на студентите и нивните приоритети, а потоа согласно тоа да се дефинираат приоритетните активности и да се решаваат најважните проблеми.

Денеска тој продолжува со посети на домот Гоце Делчев и Невена Георгиева Дуња.

Би можело да ве интересира

(ВИДЕО) Без партиски врски, студентот добива само смрдлив тоалет и руинирана бања – Какви се условите во студентските домови

Орце Костов

ВИДЕО: „Нè разбудија силни удари, слушнавме само бомба, бомба!“ – Студентите вознемирени по нападот врз директорот на „Пелагонија“

Орце Костов

ВИДЕО: Поранешен вработен ја запалил канцеларијата на директорот на студентскиот дом „Пелагонија“

Орце Костов

Објавени листите со примени бруцоши во студентските домови во Скопје, приговори најдоцна до осми октомври

А1он

Конкурс за сместување студенти во блоковите В и Г на домот „Гоце Делчев“

Ана Ололовска

ВИДЕО: Целосно реновиран студентскиот дом „Гоце Делчев“ во Скопје

Ана Ололовска