ВИДЕО: Членови на Судскиот совет дојдоа во Апелација за најавата за истрага за судиите кои ја пуштија Јанева

Од:

Виолета Богојеска, Владе Богдановски и Шемседин Јусуфи, членовите на Судскиот совет, дојдоа и по еден час си заминаа од Апелациониот суд.

Не дадоа информации за што дошле, но неофицијално нивното присуство е поради најавата на шефицата на Обвинителство за гонење организиран криминал и корупција, Вилма Русковска, дека ќе отвори финансиска истрага за судиите што ја пуштиле Катица Јанева во куќен притвор.

„Решението за Јанева не сме го добиле. Но, ние дадовме негативно мислење. За советот што ја донесе одлуката за куќен притвор, ќе отвориме финансиска истрага“, рече вчера Русковска за „А1он“.

Членовите рекоа дека за средбата ќе пуштат соопштение.

Ексшефицата на СЈО, Катица Јанева со качулка на главата вчера беше донесена од истражниот затвор во Шутка во станот на нејзиниот син, Лазар, каде ќе биде во куќен притвор.

Таа е второосомничена во случајот „Рекет“, заедно со Бојан Јовановски – Боки 13 и Зоран Милески – Кичеец. Од нив, само Бојан Јовановски остана во истражниот затвор.

Првото рочиште за „Рекет“ е закажано за 3 декември.

Би можело да ве интересира

Арсиќ: Судскиот совет сè уште ги нема добиено одлуките на Врховен суд со кои се опфатени тројца судии

Ана Ололовска

Јовески: Обвинителите и судиите треба да ја обезбедат еднаквоста на граѓаните пред законот – бавната правда е неправда

Ана Ололовска

Обвинение за бесправно градење во Гостивар

А1он

Судскиот совет го избра Бурим Сејдини за претседател на Управен суд

Обвинителствата ќе ги споредуваат листите на патници од граничните премини

А1он

Судскиот совет бара воедначување на судската практика за кривични дела од сообраќајот