Царината спречи цверц на еден килограм марихуана

Од:

Царината вчера на автопатот од граничниот премин Табановце спречи шверц на еден килограм високо квалитетна опојна дрога – марихуана.

Дрогата е откриена во патничко моторно возило марка Фолксваген тип Голф со македонски регистарски ознаки, управувано од македонски државјанин со иницијали А.И. (27) од Скопје.

Како што информира Царинската управа, осомничениот два дена пред тргнувањето на пат, од лице кое не го познава, ја купил марихуаната за сума од 400 евра, која била спакувана во две пакувања замотани во црна фолија и залепени со проѕирна селотејп трака. Откако ја купил марихуанта едното пакување го скрил во просторот кај моторот под филтерот за воздух, додека другото пакување го скрил зад инструмент таблата, а потоа се упатил кон граничниот премин Табановце со намера да ја пренесе до Прешево во Република Србија.

Запленетата марихуана на западно европскиот пазар во продажба на големо би достигнала цена од околу 3.000 евра, а доколку би се продавала во помали количини, цената би била неколкукратно повисока.

Осомничениот А.И. е лишен од слобода и ќе биде предаден во Основниот суд Куманово. Царинската управа на Република Македонија до надлежното Основно јавно обвинителство против осомничениот ќе поднесе кривична пријава, поради постоење основано сомнение дека сторил кривично дело „Неовластено производство и пуштање во промет на наркотични дроги, психотропни супстанции и прекурсори“.

Би можело да ве интересира

Затворски полицаец фатен со марихуана и кокаин пред преземање на ноќна смена

Николовски: Приходите од царина зголемени за 15,2 проценти

А1он

Димитриеска-Кочоска: Царинската управа во изминатата година јасно покажа дека може да биде сервис на државата, на граѓаните и на стопанството

Со месеци бандата која препродавала амфетамин била под посебни истражни мерки

Полициски претреси во Скопје и Куманово, запленета е голема количина на амфетамин, уапсени се неколку лица

Горан Наумовски

Македонски државјанин „падна“ во Црна Гора, осомничен е за перење пари