По инцидентите со бугарски државјани на граничниот премин Деве Баир, најгласниот од нив, претседателот на бугарската фондација „Македонија“ Виктор Стојанов, кој објави видео од туркањето, вечерва на својот ФБ профил објави фотографија од македонски полицаец. Тој во објавата нуди пари за оној кој ќе му даде информации за неговото име и презиме.
– Давам 200 евра за името и презимето на овој македонски полицаец, напишал Стојанов на Фејсбук под фотографијата на македонскиот полицаец.
Со која цел Стојанов ги бара овие информации е нејасно, дали е ова директна закана за овој македонски полициски службеник од страна на претседателот на бугарската фондација?
На објавата на Стојанов реагираше и македонските корисници на социјалните мрежи со комични одговори.
„Јас знам кој е – името му е Гоце Делчев“
„Не не ова е Чак Норис“
„ Полицаецот од Петлово Брдо„
„ Полицаецот Радомир“