Заев најави брзо решавање на проблемот со дивоградбата кај Мавровка

Од:

Премиерот Зоран Заев најави дека Владата наскоро ќе донесе одлуки согласно кои ќе може да се реши проблемот со дивоградбата која се гради кај Мавровка во Скопје.

-Денеска заедно со правните служби ги разгледавме сите модалитети на многу прашања, а едно од нив е и објектот кај Мавровка, проблем кој пркоси во центарот на Северна Македонија и Скопје и еден пркос за кој со право граѓаните реагираа. Денеска ќе донесеме конкретни одлуки не би сакал однапред да ги кажам бидејќи одлуки носи Владата, а не премиерот, рече Заев одговарајќи на новинарско прашање по настанот за одбележување една година од работењето на Агенцијата за национална безбедност.

Во деталите на самите одлуки, појасни премиерот Заев, се оформени правните постаки за тоа како треба Владата да пристапи во испорачувањето помош за една локална самоуправа, а во случајот тоа е општина Чаир.

-Општина Чаир има записник и решение, но нема компанија да го изврши решението односно да ги спроведе работите за остранување на објектот кој не е согласно законска документација. Штом ќе ја донесеме одлуката ќе ја објавиме и верувам дека многу брзо ќе почнат активностите на терен за да се справиме со ова незаконско дејание што ни се случува дрско пред очите на целата јавност, истакна Заев.

Би можело да ве интересира

Богдановиќ: Одвоени се над 13 милиони денари за ново уривање на дивоградби

Ана Ололовска

Кривична пријава за кавадарчанец за дивоградба

Ана Ололовска

Бизнисмен од Кочани доби кривична пријава, градел без дозвола во охридското село Косел

Жарко Настоски

Кривична пријава за тетовец што градел на диво во струшко Калишта

Жарко Настоски

Шилегов: Град Скопје продолжува со остранувањето на дивоградбите од Скопје 2014

Ана Ололовска

Шилегов: За справување со дивоградбите потребна е соработка на Градот Скопје и скопските општини

Ана Ололовска