МВР информира дека синоќа во 22:00 часот во СВР Скопје е пријавено дека на ул. „Ферид Мурати“ во Скопје се случи сообраќајна несреќа во која учествуваа патничко возило „ауди“ со тетовски регистарски ознаки, управувано од Б.У.(25) од с. Мала Речица, тетовско, мопед со скопски регистарски ознаки, управуван од А.Р.(23) од Скопје и електричен тротинет, чиј возач го напуштил местото на настанот.
Во несреќата со тешки телесни повреди се здобил А.Р., констатирани во Јавната здравствена установа „Св.Наум Охридски“ – Скопје.
Извршен бил увид од увидна екипа од СВР Скопје.