ВИДЕО: Беџети кривично да одговара за платформите на Матка, предложи Антикорупциската

Од:

Градоначалникот на Општина Сарај Блерим Беџети кривично да одговара поради непостапување по барањата за легализација на дивите платформи на Матка, а Владата да ги одземе градежните овластувања на Општината, предложи денес Државната комисија за спречување на корупцијата.

Антикорупционерите утврдија дека платформите на Матка не може да бидат легализирани оти се објекти од времен карактер, а освен тоа во поднесените барања за легализација недостигале низа согласности од надлежни органи.

“Поднесени се две барања за легализација на 8.2 и 24.12.2018 година од Амет Саити и Џемаил Саити. Констатиравме дека градоначалникот не одговорил на барателот иако општините се тие кои даваат дозвола за градење од локален карактер. Градоначалникот е надлежен да решава. Со непостапување се прекршени одредбите од Законот за локална самоуправа“, образложи Билјана Ивановска, претседателка на Државната комисија за спречување на корупцијата.

Антикорупциската комисија констатираше дека според извештајот на Државниот инспекторат за животна средина, без водостопанска согласност не може да се гради на таа локација.

„Државниот инспекторат констатирал дека барателите на легализација треба да ги отстранат објектите. Воедно упатена е и забрана на таа локација да има моторни чамци”, рече претседателката Ивановска.

Таа нагласи дека ако градоначалникот одговорел на барањата  и донел решение дека не може да се легализираат, институциите ќе можеле да постапуваат.

Антикорупционерите на денешната седница најавија дека за решавање на случајот „диви платформи на Матка“ ќе испратат препорака и до Министерството за животна средина за што поскоро да го донесат законот за Матка и Водно кој прецизно треба да утврди каде и што може да се гради во кањонот.

Би можело да ве интересира

Распишан е јавен оглас за именување на нов претседател и член на ДКСК

После оставката на Димитровска: На јавен оглас ќе се бира нов претседател на Антикорупциска

Горан Наумовски

Мицкоски за разрешувањето на Димитровска: Имам чувство дека има поединци кои се обидуваат политиката кај нас да ја направат естрада

Горан Наумовски

Претседателката на ДКСК не доаѓа на работа, парламентарците молчат за нејзино разрешување

Горан Наумовски

Ревизор и го положил испитот за пристап до службени тајни кои потоа му ги кажувала на обвинетиот во „Адитив“, обвинение за Димитровска

Катерина Ѓуровски

Градоначалникот на Крива Паланка со колегата од Ќустендил: Во најтешките мигови се познава вистинскиот пријател

А1он