Архитектите од Македонија понудија помош за проценка и санација на штетите во Албанија

Од:

Асоцијацијата на архитекти на Македонија (ААМ) е подготвена да испрати архитекти во Албанија за помош при проценка и санација на штетите од земјотресот. Претседателот на ААМ, Мартин Пановски, вели дека веќе имаат пријави од архитекти членови на Асоцијацијата кои волонтерски се подготвени да пружат помош.

„Чекаме од Асоцијацијата на архитекти на Албанија официјално да се изјасни дали им треба помош. Ние сме во постојан контакт со колегите од Албанија. Претседателот на нивната Асоцијација, Арманд Вокши не извести дека во моментот чекаат од властите на Албанија одговор дали ќе биде потребна надворешна експертска или каква било друга помош. Во моментов најмногу им треба физичка сила оти се насочени се уште кон пронаоѓање на настраданите“, вели претседателот Пановски за „А1он“.

Тој уште вчера понудил помош од членови волонтери кои би помогнале во проценка и санација на штетите настанати од земјотресот.

ААМ ги повика своите членови подготвени да помогнат да се пријават на имејлот [email protected] за да имаат подготвена листа волонтери во случај во следните денови да се искаже потребата од помош.

Би можело да ве интересира

Запленети станови, „ролс ројс“ и две ТВ станици на познат албански бизнисмен осомничен за трговија со дрога

А1он

Уште еден лекар почина во Албанија од коронавирус

Ана Ололовска

Нов рекорд на новозаразени со Ковид-19 во Албанија

А1он

Албански анестезиолог: Владата стана проповедник против Ковид-19, наместо да спроведува конкретни мерки

А1он

Силен земјотрес крај брегот на Вануату

А1он

Рекорден број на новозаразени со Ковид-19 во Албанија

А1он