Апасиев не се откажува од амандманското блокирање за Деловникот и појасни дека блокадата е да се оневозможи одржување на онлајн седници за да се „прошверцува анексот на Договорот со Бугарија со кој се негира македонскиот јазик и идентитет.“
„СДС на Нашата Земја, во соработка со ДУИ, се обидуваат да прошверцуваат противуставен Деловник за онлајн работа на Собранието, со единствена цел – да може полесно да го ратификува евентуално склучениот квислиншки анекс-договор со Бугарија со кој се негира македонскиот јазик, нација и идентитет! Пратениците од Левица се решени дека тоа нема да го дозволат и затоа се одлучија на амандмански ФИЛИБАСТЕРИНГ“, напиша Апасиев на „Фејсбук“.
„Смрт за фашизмот, слобода за народот“ на крајот порача Апасиев и објави уште неколку амандмани за кои рече дека протекле во јавноста од страна на “безобразните опозиционери“.
Во едниот од нив се вели:
„Пратеникот кој не е во можност да се конектира на информациско-комуникациска технологија, може да ја ополномошти својата сопруг/сопруга, таа/тој да гласаат во негово име по систем на „телевоутинг“ кој го обезбедува систем администраторот на Собранието од Службата на ИКТ“, пишува во амандамнот кој го поднесе Левица.