Власта намерно го реактивира случајот со двојното убиство на Марјан Тушевски и Киро Јанев од 2001 година, обвинија ОМ и Достоинство.
Зошто, праша Стојанче Ангелов, за овие 6 години додека се на власт, не го расчистија случајот , туку тоа го прават сега и наместо да го ослободат Љубе Бошкоски, тие го инволвираат во нов случај.
Побараа човечност и ослободување на Бошкоски. Потсетија, дека нивната иницијатива за амнестија на Бошкоски, власта се обиде да ја спинува со премините од Обединети во ВМРО-ДПМНЕ.
„Убедени се дека зад законот за амнестија на Љубе ќе застанат СДСМ, Руфи Османи, кој е исто ослободен со Закон за амнестија, потоа ДПА, а добиле сигурни ветувања и од членови на ВМРО-ДПМНЕ, кои се срамат дека пред една година гласале за амнестија на теористи“, рече Ангелов.