Од Алијанса за Албанците реагираат дека Владата предизвикала хаос во Куманово со ненадејното воведување на полициски час.
„Хаосот создаден попладнево во Куманово, како резултат на овие мерки, ја зголеми загриженоста на граѓаните уште повеќе. Од паниката нема никаков придонес затоа оваа форма на управување со ситуацијата создава контра-ефекти“, пишува во соопштението.
Од партијата велат дека препораките за одржување на социјалната оддалеченост воопшто не се почитувале од напнатоста на граѓаните да ги обезбедат основните потреби за храна за наредните денови.
Алијанса за Албанците ги повикува граѓаните да продолжат да ги следат препораките на здравствените власти за социјална дистанца со цел да се спречи понатамошно ширење на вирусот.
„Во исто време, ги повикуваме државните власти да не создаваат хаос што ќе им наштети на граѓаните“, порачуваат од партијата.