Ахмети: Ние сме избрани да носиме храбри и важни одлуки, а не да калкулираме за следни избори

Од:

Претседателот на Демократската унија за интеграција, Али Ахмети изрази благодарност до пратениците кои синоќа гласаа за уставните измени. Тој преку соопштение се осврна и на оние пратеници кои не ги поддржаа измените и ги повика да се приклучат во понатамошните постапки за заокружувањето на овој процес.

„Ние сме избрани да носиме храбри и важни одлуки, а не да калкулираме за следните избори и следниот мандат. Тие 80 – те пратеници што гласаа за, но и тие кои што се воздржаа од гласање, знаат многу добро дека само овој пат ни носи стабилен мир, добри меѓуетнички и добрососедски односи, системски реформи, правна држава и владеење на правото, еднаквост и заокружување на Охридскиот Договор, економски развој, повеќе работни места , странски и домашни инвестиции и општествена благосостојба“, вели Ахмети.

Претседателот на ДУИ ја повика опозицијата да застане на исправната страна на прогресот и евроатланската определба без задоцнување и понатамошни калкулации.

„Одмор нема. Уште од денес продолжуваме со работа за да го заокружиме овој процес“, порача Ахмети и додаде дека „заедно сме посилни“.

Би можело да ве интересира

Собраниската комисија за социјална политика останува блокирана, седницата треба да продолжи по паузата

Власта се обидува да ја одблокира Комисијата за социјална политика за да ги истурка измените на Законот за пензиско осигурување

ДУИ: Ја внесовме државата во НАТО и изградивме функционална мултиетничка демократија

Последниот браник и штит на криминалот на поранешната Влада се дел од сегашните судии и обвинители, обвинува Мицкоски

Стојаноски: СДС и ДУИ, заедно со нивните судии и обвинители се во акција за заштита на мазут мафијата

Катерина Ѓуровски

Пратеничката на „Влен“, Имрлије Сали-Фетаи ќе претседава денеска со Комисијата за социјална политика