Адеми бара настава со физичко присуство, онлајн настава ќе дозволи само ако биде принуден

Од:

Комисијата за заразни болести размислува, а пак Министерството за образование и наука се противи наставата во новата учебна година да се спроведува онлајн. Министерот Арбер Адеми, вели дека онлајн настава ќе има само доколку министерството биде принудено да се определи за ваков начин на спроведување на образовниот процес. Тој посочи дека засега се разгледувани три модели на настава, од кои, во текот на наредните денови ќе треба да се одреди кој ќе се спроведе.

„На состанокот на Комисијата за заразни болести е дискутирано за одвивањето на наставата во новата учебна година. Разгледани се моделите за организирање на наставата и аргументите за секој модел, заедно со предностите и ризиците од секој модел. Конечна одлука, односно, заклучок нема ниту во Комисијата за заразни болести. Ќе продолжат консултациите. За ова прашање разговаравме и на седница на Владата. Имавме широка работна група, првиот модел е организирање и реализирање на наставата со физичко присуство, второ е далечинско учење и третиот модел е комбиниран модел. Во МОН преовладува мислење дека треба да се организира настава со физичко присуство, но секогаш имајќи во предвид епидемиолошката состојба и условите во училиштата. Тоа значи дека секаде каде ни дозволува епидемиолошката состојба со физичко присуство и каде има услови да се организира наставата со физичко присуство, а имајќи ги во предвид протоколите кои сме ги подготвиле, тогаш треба да се организира наставата на таков начин“, рече Адеми.

Министерот за образование и наука ги објасни трите модели, од кои едниот е со физичко присуство, вториот е комбиниран модел од физичко присуство и онлајн настава, а третиот пак, онлајн настава. Сепак, според него, одлуката ќе се донесе според епидемиолошката состојба во земјата.

„Нашиот став е јасен, нема замена за наставата организирана со физичко присуство, но сепак треба да водиме сметка за здравјето на учениците и да водиме сметка за епидемиолошката состојба. Наставата со физичко присуство би се одржала со конкретни мерки и упатства за безбедна настава. Во училиштата кои се пребукирани, таму треба да има дел онлајн настава, а дел со физичко присуство. Тоа значи дека ќе се поделат училниците со помал број ученици, една група би следена настава со физичко присуство, а во исто време другата група преку средства за електронска комуникација би ја следеле наставата во реален час, а доколку не можат лекциите би се споделиле лекциите од националната платформа каде се обработени темите и содржините. Исто така, ако би се одлучиле наставата да се одржи со физичко присуство, а имаме деца кои имаат хронични болести или респираторни болести, тие би можеле преку средствата за електронската настава да ја следат наставата. Се зависи од епидемиолошката слика, ние сакаме да се обезбеди најбезбедниот модел, водејќи сметка за образовниот процес и здравјето на учениците. Најлесно е да се определиме за онлајн настава, но пак ќе повторам, само ако бидеме принудени и нема друг начин, би се определиле за ваквиот модел за вакво организирање на наставата“, додаде Адеми.

Би можело да ве интересира

Нема евиденција дали 140 денари за оброк завршиле кај студентите, МОН исплаќал пари без утврдени легла во домовите, покажа ревизијата

Орце Костов

МОН за протестот на универзитетите: Ако постои волја во Собранието за колективен договор, ние ќе учествуваме во преговорите

Училиштата и градинките ќе плаќаат за 35 отсто поевтино парно, Регулаторот ги намали сметките

Орце Костов

МОН: Наместо на политички игри во училиштата, општина Тетово да се фокусира на квалитетна настава

„Министерката ми се закани дека ќе ме избрка“: Советничка во МОН била вознемирувана од Шаќири и Царовска

Орце Костов

Студентите најавија протест: „МОН не ни исплати стипендии кои ни требаат да запишеме семестар“

Орце Костов