Четвртиот мобилен оператор на македонскиот пазар, Албафоне од денеска почнува со работа.
Првата продавница се наоѓа на вториот кат во Трговскиот центар „Сити Галери“, а втората на улицата „Џон Кенеди“ бр. 2 приземје. И во двете продавници ќе се доделат по 1.000 бесплатни броеви.
Како дистрибутери ангажирани се неколку познати компании од оваа област, со што се овозможува компанијата Албафоне да биде поблиску и достапна до клиентите во целиот регион и континуирано да ја проширува својата мрежа за да обезбеди квалитетна услуга.
Една од главните цели на Албафоне е да им служи на корисниците. Албафоне ќе расте заедно со своите корисници, секогаш ќе ги следи и применува најновите технолошки иновации и за кратко време ќе понуди нови услуги на пазарот, соопшти компанијата.