Премиерката на Србија, Ана Брнабиќ и извршниот директор на американската Меѓународна финансиска корпорација за развој (ДФЦ), Адам Болер денеска потпишаа заедничка изјава и симболично ја отворија канцеларијата на ДФЦ во Белград.
Тие поради пандемијата со коронавирус вирутелно ја претставија канцеларијата за јавноста, преку видео на кое се појави американскиот амбасадор во земјата Ентони Годфри.
Амбасадорот Годфри во видеото рече: „Подготвени сме за работа“.
Претседателот на Србија, Александар Вучиќ, по средбата со американската делегација изјави дека земјата во која сакаат Американците да инвестираат има иднина.
Тема на дводневните разговори меѓу српските претставници и делегацијата на ДФЦ, која пристигна синоќа во Белград, беше инфраструктурата и економскиот развој на Србија и регионот.
Brnabic i Boler simbolicno otvorili regionalnu kancelariju DFC u Beogradu.@avucic @anabrnabic @RichardGrenell @AdamUSDFC pic.twitter.com/xolEDIFoPU
— Tanjug (@TanjugNews) September 22, 2020
Пред новинарите се обрати и извршниот директор на американската меѓународна финансиска корпорација за развој (ДФЦ), Адам Болер.
„Дојдовме затоа што видовме фокус кон промените. Отворањето на канцеларијата го покажува нашиот интерес за поширок економски развој на овој регион. Лидерите на овие земји се определија за народот, а не за политичките поделби. Тие се одлучија за нови работни места, а не за поделби од минатото“, истакна Болер.