Германскиот министер за финансии Волфганг Шојбле прогнозира дека од 2014 година Грција ќе почне да излегува од рецесија и ќе забележи раст на БДП, што ќе е поголем од растот на долгот, објави весникот „Етнос“.
Шојбле повторно ја отфрли можноста за ново отпишување на грчкиот долг.
– Грција во 2014 година би можела да го остави зад себе најлошото, изјави германскиот министер за финансии за весникот „Цајт“, нагласувајќи дека имало „кратење“ на нејзиниот долг во 2011 година и дека грчките државни обврзници биле доброволно намалени од недржавни кредитори за 53 проценти.
Тоа нема повторно да се случи, второ „кратење“ на грчкиот долг нема да има, истакна Шојбле.