СДСМ: Инвестираме во човечкиот капитал, по растот на платите, следува раст и на пензиите

Од:

„СДСМ продолжува со вистинска грижа за сите граѓани на Република Северна Македонија, со посебен акцент на најранливите категории на граѓани. Ова се потврдува и со новиот предлог буџет за 2020 година, каде што грижата за човечкиот капитал, за луѓето, зазема централно место.

По одлуките за раст на минималната плата, раст на просечната плата, решението за стечајните работници, растот на социјалниот пакет за 300 отсто, мерките за намалување на невработеноста на рекордни 17.5 отсто, отворањето на нови, 54.000 работни места, субвенциите во земјоделството и уште многу други реформи и мерки, со предлог буџетот за 2020 година предвиден е раст и на пензиите.

Имајќи ги во предвид економските параметри минатите две години, посебно порастот на просечната плата за повеќе од 2,297 денари, и на минималната за 4 до 5,000 денари, Владата предводена од СДСМ одлучи да има и зголемување на пензиите“, соопштуваат од СДСМ.

„Новиот предлог буџет за 2020 година, во здравството, образованието и социјалата, предвидува инвестиција од вкупно 154 милијарди денари. Тоа е зголемување од повеќе од 10 милијарди денари во споредба со ребалансот од 2019 година, односно последниот Буџет.

Преку инвестиции во овие сектори, кои меѓусебно се надополнуваат и го засилуваат ефектот, директно се придонесува кон посилен економскиот раст и развој.

Предлог буџетот за 2020 година, е насочен кон вложување во човечкиот капитал во болниците, лекарите, здравствените работници и наставниците, преку зголемување на нивните плати. Со цел поголема мотивација и стимулација и нивно задржување во државата, а истовремено подобра услуга кон пациентите, вреднување на трудот и поголемо нивно вложување.

Не е исклучен ниту приватниот сектор кој е важен генератор за економски раст, па во таа насока се и мерките за субвенционирање на придонесите на платите за оние компании кои ќе ги покачат платите од 600 до 6000 денари, а се обезбедени 2.4 милијарди денари. Каде што освен привлекување, задржување и мотивирање на квалитетните кадри, имаме директно слевање на парите од придонесите на покачените плати во фондовите.

Владата предводена од СДСМ преку креирање на реални и оддржливи политики инвестира во човечкиот капитал, тоа го правеше и до сега , но го продолжува и во иднина уште позасилено со креирање на нови мерки и политики“, се вели во соопштението на СДСМ.

Би можело да ве интересира

Спасовски: Најниските пензии ќе се зголемат за најмалку 21 процент

А1он

(ВИДЕО) Митрески: Капиталните проекти продолжуваат и покрај вонредната ситуација поради Ковид-19

Ана Ололовска

Заев: Изборите продолжуваат, нема причини за одложување

Ана Ололовска

(ВИДЕО) Заев: СДСМ е посветена на унапредување на инфраструктурата, ВМРО-ДПМНЕ е посветена нa обнова на режимот

Ана Ололовска

(ВИДЕО) Николовски од Пехчево: СДСМ насекаде изгради патишта и пречистителни станици

Ана Ололовска

(ВИДЕО) Шекеринска: Задоволство е кога се гледаат плански инфраструктурни проекти во Охрид

Ана Ололовска