Администрацијата на САД не го споделува мислењето на Москва дека новите американски санкции ги нарушават нормите на Светската трговска организација (СТО), изјави портпаролката на Стејт департментот Мари Харф.
Таа го изјави тоа во одговор на барањето за коментар на изјавата на рускиот министер за економски развој Алексеј Уљукаев, кој изјави дека Москва ги смета последните санкции на САД и ЕУ против Русија за противречни на нормите на СТО, како и претходните.
– Да, сметам дури и претходниот пакет на санкции е повод да се обратиме до СТО и ние тоа ќе го направиме, рече Уљукаев.
Харф изјави дека САД не се согласни со наводите на руските експерти по тоа прашање.