Почнува примената на новиот Правилник и Закон за урбанистичко планирање

Од:

Министерот за транспорт и врски Благој Бочварски денеска го потпишал Правилникот за урбанистичко планирање, со што се овозможува примена на новиот Закон за урбанистичко планирање.

-Ќе овозможиме вистински развој на урбаните средини преку рационално и хумано планирање на просторот, рече Бочварски на прес-конференција во Владата, посочувајќи дека законот овозможува вистинско вклучување на јавноста во креирање на реалните потреби и состојби во планирањето на просторот.

Според него, се воспоставуваат сериозни регулации во делот на донесувањето на урбанистичките планови и заштитата на зеленилото, како што е предвиденото двојно гласање во Советот преку партиципативно тело во кое ќе учествуваат граѓани, стручни лица, фелата, советничките групи, кои ќе имаат целосен увид во носењето на деталните урбанистички планови.

-Апелирам и барам вклученост на граѓаните. Ова е идеален правилник преку кој можат да се вклучат сите, но од овде натаму останува вклученоста на граѓаните да не се доведуваме во ситуација по донесени ДУП-ови да излегуваат реакциите на граѓаните бидејќи тогаш таа реакција реално е и задоцнета. Токму поради ова Правилникот беше целосно усогласен со фелата, архитектите, професорите, коморите, граѓанските здруженија. Во текот на носењето се вградени 410 ставови, во законодавно-правниот аспект 330. Правиме сериозна регулација на просторот. Можеме да бидеме уверени и убедени дека урбанизмот ќе биде вистинска алатка за вистински развој на државата, а не нешто преку кое ќе се врши узурпација на просторот, појасни Бочварски.

Би можело да ве интересира

АД „МЕПСО“ вложува 3,18 милиони евра во реконструкција на ТС „Битола 2“

Ана Ололовска

Усвоени еврокодови за поголема конкурентност на македонското градежништво на европските пазари

Ана Ололовска

Бочварски: Добриот и стабилен енергетски систем важен за инвеститорите

Ана Ололовска

Бочварски: Со новиот ребаланс на Буџетот нема да се кратат средства од Министерството за транспорт

Ана Ололовска

ВИДЕО: Бочварски и Китанов на увид во изградбата на експресниот пат Штип-Радовиш

Ана Ололовска

Министерот Бочварски се сретна со Комората на овластени архитекти и инженери

Ана Ололовска