Министерот за транспорт и врски, Благој Бочварски е убеден дека до 10 јули, туристите и охриѓани ќе може да возат по новата делница Подмолје – Охрид. Во истовреме го искара градоначалникот Кирил Пецаков за реакциите и поплаките кои ги имаше до него поради пренасочувањето на сообраќајот по стариот пат Струга – Охрид.
– Драго ми е што гледаме силна градежна офанзива и правиме притисок до 10-ти, односно пред 10-ти јули да завршат градежните активности па да се премине кон поставување еластични огради и одобрување на времен режим. До 10 јули ќе се вози по патот Подмолје – Охрид по автопатско решение.
Верувам дека граѓаните ќе имаат разбирање затоа што после завршувањето на изградбата сите ќе возат по автопатско решение. Најголемата поддршка треба да дојде од општина Охрид и од градоначалникот Пецаков кој знае најголемиот проект во градот е направен со пари од министрерството за транспорт и врски.
Тогаш не видов дека му сметаше развојот на градот, а сега реагира што за мене не е правилен начин – рече Бочварски и додаде дека се прават напори автопатот Кичево – Охрид да се заврши до крајот на годината.