Пивата, соковите и минералната вода од утре со гарантирана пониска цена

Од:

На листата производи со гарантирана цена ќе влезат безалкохолните пијалоци, негазираните и газираните, минералната вода и пивото, одлучи денеска Владата. Донесена е нова одлука и за намалување на маржата кај овошјето и зеленчукот со што Владата очекува да се намалат цените од 10 до 30 проценти, соопшти премиерот Димитар Ковачевски.

– Определивме највисока трговска маржа за овошјето и зеленчукот за сите трговци на големо е утврдена во вкупен износ од 10 проценти, а во трговијата на мало е утврдена во вкупен износ од максимални 15 отсто. Следат одлуки за намалување на увозните давачки за свежи зеленчук, ориз и портокали, лимони и мандарини и намалување на царинските ставки за млечни производи над 10 проценти. Со претходната одлука од 19 септември ја намаливме цената на овошјето и зеленчукот на 10 проценти, но министерството за економија увиде дека со намалување на маржите цената ќе се намали за 30 отсто.

Владата очекува дека со гарантирана цена на производите ќе успее да ја стабилизира инфлацијата до крајот на годината. Со септемвриските покачувања на платите и линеарното покачување на пензиите, очекуваме инфлацијата да падне на осум отсто, а кај храната на пет отсто – соопшти Ковачевски после владината седница.

Би можело да ве интересира

Поради пожарите и топлотниот бран, Владата прогласи кризна состојба од 30 дена

A1on

„Влен“ ќе има седум заменици-министри, Ељфете Исмаили во одбрана, а Фљакрон Беџети во земјоделство

Катерина Ѓуровски

Вратена е оградата околу Владата

Катерина Ѓуровски

Нови именувања и разрешувања, 600 милиони денари за заостанати директни плаќања за земјоделците

Горан Наумовски

Владата на ВМРО-ДПМНЕ ќе ја враќа оградата околу владината зграда

Владата именува нови директори на неколку државни институции