Германската канцеларка Ангела Меркел изјави дека државите на ЕУ мора да го следат примерот на Германија, за буџетот и реформите на пазарот на труд, за да го вратат растот.
Додека европските лидери настојуваат да излезат од реценсијата и да се изборат со невработеноста, Меркел ги пофали напорите на Германија за задржување на стабилноста на економијата во текот на кризата, наведувајќи дека 17-те членки на еврозоната мора да го задржат рецептот на буџетска дисциплина и унапредување на конкурентноста.
Министрите за труд и финасии на Шпанија, Германија, Италија и Франција на 14-ти јуни ќе се сретнат во Рим, за да се договорат за план кој директно ќе се занимава со проблемот на високата стапка на невработеност на младите во еврозоната.
Елена Георгиевска